असुहाउँदो उज्यालो

अस्ताउँन लाग्दैछ घाम
पहेँला किरणहरु जताततै छरिँदैछ्न्
अप्रत्यारिलो न्यानोपन
असुहाउँदो उज्यालो
  ...................................
जसरी मुस्कुराउँछ्न् मानिसहरु
बिदाईमा
सायद निभ्न लागेको मैनबत्ती
डुब्न लागेको सपना
आफ्नो नबनेकी मायालु
यसरी नै मुस्कुराउछ्न्
जसरी मुस्कुराउछ्न् फूलहरु चिसो तुसारोमा
सायद ज्ञानी हुनु दुखी हुनु हो
किनकिन म सधै
संसारकै सबैभन्दा ज्ञानी मानिसहरु
असुहाउँदो उज्यालो बोकेर
मुस्कुराहिरहेको देख्छु । ।