बिद्रोहको यात्रा

आज फेरी सेतो क्यानभाषमा
मैले कालो रंग पोतिदिएँ
थाहा छैन
तिम्रा इन्द्रेणीहरुले मलाई
कसरी हेर्नेछ्न् भोली
सायद यो कठिन हुनेछ
बिद्रोहको यात्रा ............
म फूल होइन मुस्कुराइरहन सकिन । ।

हरेकपटक
तिम्रो इन्द्रेणी
मेरो रहेन ....
तिम्रो रंग
मेरो भएन.......
तिम्रो परिभाषा
मेरो बनेन.......
सायद तिमीजस्तो नहुनु
जीवनका थुप्रै क्यानभाषमा कालो पोत्नु रहेछ
आज फेरी सेतो क्यानभाषमा
मैले कालो रंग पोतिदिएँ । ।