माफ गर
आज म सपनाको कुरा गर्दिन
तिमीलाई थाहा छ
वा छैन
म इन्द्रेणिको कुनै रंग होइन
न हुँ गलामा सजिने कुनै सुन्दर फूल
म गूलाफ होइन
न सयपत्री
म हिमाल होइन
न नदि.…
वा तिमी बुझ्न सक्छौ
म तिमीले देख्ने सपनाकी परी होइन
न तिम्ले प्रत्येक दिन आँखामा सजाउँने भिड हुँ
म केहि होइन
न फेसबुक वालमा "सुन्दर" को उपमा पाउँने सुन्दरी
वा ओठमा रातो पोत्ने किशोरी
न हुँ हरेक दिन प्रशसाको उपहार पाउँने कुनै भाज्ञमानी
म केहि होइन
न तिम्रो भूतपुर्व प्रेमिका
न हुनेवाला
वा तिम्रो कल्पनामा सजिएकी जीवनसंगिनी
म केहि होइन
न सपना.........
न विपना...............
न भविस्य............................
बल्न पनि सक्छु
नबल्न पनि सक्छु
पग्लिएँ भने बलेछु भन्ने बुझ्नु
नत्र कठोर यथार्थको पर्याय ।
No comments:
Post a Comment